Manchester Unitedi mund të ketë një fytyrë krejtësisht tjetër nëse kompleton tri objektivat e mëdha të verës ende pa u mbyllur afati kalimtar.
Djajtë e Kuq janë në gjah për përforcime, por koha e tyre është gati të mbarojë pasi afati kalimtar mbyllet nesër (e hënë).
Edinson Cavani është lojtari i cili pritet të kompletojë transferimin e tij në Old Trafford, ndërsa drejtuesit duan edhe dy transferime tjera.
Bëhet fjalë për objektivin kryesor të verës, Jadon Sanchon e Borussia Dortmundit dhe mbrojtësin e Portos, Alex Telles.
Por, si do të luante trajneri Ole Gunnar Solskjaer nëse arrin t’i transferojë edhe këta tre lojtarë.
Mediat angleze tashmë kanë publikuar një formacion të mundshëm të Unitedit për sezonin 2020/21.
Në formacion nuk mungojnë yjet si David De Gea, Harry Maguire, Paul Pogba, Bruno Fernandes dhe Marcus Rashford.
Në anën tjetër thuhet se Eric Bailly mund të luajë në qendër të mbrojtjes, ndërsa Nemanja Matic në mesfushë.
Emra si Donny Van de Beek, Anthony Martial, Mason Greenwood dhe Victor Lindelof mund të përfundojnë në bankë.
Formacioni i mundshëm i Unitedit për sezonin 2020/21:
/Telegrafi/