Sofyan Amrabat është vënë në dispozicion për shitje nga Fiorentina këtë verë.
Marokeni ishte shumë i lidhur me një lëvizje të mundshme te Barcelona rreth 40 milionë euro, në fillim të vitit 2023, pasi pasi kishte paraqitje impresionuese në Kampionatin Botëror me kombëtaren e tij.
Megjithatë, pavarësisht spekulimeve, Amrabat qëndroi në Itali, me vëllain e 26-vjeçarit, Nordin që pretendon se Blaugranasit dështuan në një ofertë të vonuar huazimi.
Pavarësisht mungesës së përditësimeve në javët e fundit, agjenti i Amrabat, Mohamed Sinouh ka pohuar se Fiorentina është gati të dëgjojë ofertat përpara sezonit 2023/24.
“Për momentin nuk kemi ndonjë ofertë për verë, por Fiorentina është e gatshme t’i dëgjojë ato”, ka deklaruarai, përcjell Mundo Deportivo.
“Është një premtim që ata bënë kur presidenti refuzoi ofertat e dimrit”.
“Ne morëm shumë oferta në janar, duke përfshirë ato nga Manchester United dhe Barca, por një marrëveshje nuk mund të arrihej”.
“Presidenti i Fiorentinës refuzoi ta shiste, sepse ai përfaqësonte një vlerë të fortë pas Kupës së Botës”, ka shtuar më tej ai.
Kontrata aktuale e Amrabat në Firence e lidh atë me skuadrën e Serisë A deri në vitin 2024 me Fiorentinën që ruan një opsion për ta zgjatur atë edhe për një vit tjetër.
Sidoqoftë, nëse pretendimet e Sinouh vërtetohen në muajt e ardhshëm, ato mund të jenë të hapura për oferta në vlerën prej 25 milionë euro, me rivalët e Ligës Premier të United, Liverpool, gjithashtu të lidhur me një transferim të marokenit. /Telegrafi/