Mbrojtësi i Atletico Madridit, Mario Hermoso pëlqehet nga pesë klubet e mëdha italiane, por Napoli thuhet se është favorit për ta transferuar atë përpara Romës, Juventusin, Interit dhe Milanit.
Qendërmbrojtësi mbush 29 vjeç muajin e ardhshëm dhe ka vendosur të mos e vazhdojë kontratën me Atletico Madrid përtej 30 qershorit.
Sipas mediumit spanjoll Chiringuito TV, Hermoso ka një ide shumë specifike në mendjen e tij dhe ajo është të hedhë hapin tjetër në karrierën e tij në Itali.
Ka disa skuadra që do të ishin të lumtura të mirëprisnin spanjollin në skuadrën e tyre, veçanërisht pa paguar asnjë tarifë transferimi.
👋 MARIO HERMOSO DEJARÁ el ATLETI… y JUGARÁ en ITALIA.
✈️ El central no renovará y se ha despedido de empleados del club.
ℹ️ @inakivdl pic.twitter.com/pOxMMsmZXp
— El Chiringuito TV (@elchiringuitotv) May 28, 2024
Sipas DAZN, favorit absolut deri më tani është Napoli, edhe pse ka mjaft distancë midis kërkesave të tij për pagë dhe propozimit që ofrohet.
I njëjti burim bën me dije se edhe Roma ka kontaktuar me rrethin e mbrojtësit.
Mediumi tjetër Calciomercato.it e sheh Hermoson drejt Interit, duke vënë në dukje se Milani gjithashtu mund të jetë gati të ecë përpara me një qasje konkrete.
Një produkt i akademisë së të rinjve të Real Madridit, Hermoso vazhdoi të luante për Real Valladolid dhe Espanyol përpara transferimit prej 25 milionë euro në Atletico Madrid në verën e vitit 2019.
Hermoso gjithashtu ka qenë i lidhur me Aston Villan këtë verë, por duket se zemra e tij është e vendosur për të kaluar në Itali. /Telegrafi/