Arsene Wenger beson se Alex Oxlade-Chamberlain do të bëhet lojtari më i mirë i gjeneratës së tij në Angli.
Lojtari i krahut i Arsenalit ka bërë disa paraqitje të mira, ndërsa akoma nuk dihet për të ardhmen e tij, duke qenë se ka edhe një vit në kontratën me Topçinjtë.
Chelsea dhe Liverpooli janë dy klubet që janë më së shumti të interesuara për shërbimet e 24-vjeçarit.
Sido që të jetë, trajneri i tij aktual e vlerëson shumë Oxlade-Chamberlainin, të cilit i ka thurur lavde gjatë një konference për shtyp.
“Dua që ai të qëndrojë për një kohë të gjatë. Jam i bindur se pas dy ose tre vitesh do të bëhet lojtari anglez, të cilin të gjithë do ta shikojnë”, ka deklaruar Wenger.
Oxlade-Chamberlain ka luajtur në pozita të ndryshme të Arsenali, mirëpo në sezonin e kaluar është përshtatur më mirë në formacionin 3-4-3 si mbrojtës krahu. /Telegrafi/