Arsenali, Chelsea dhe PSG janë duke u përpjekur me të gjitha forcat për të sjell lojtarë të ri në radhët e tyre.
Një prej tyre është edhe sulmuesi i Barcelonës, Ousmane Dembele, i cili mund të lëvizë gjatë afatit kalimtar të janarit.
E përditshmja sportive spanjolle, “El Mundo Deportivo” shkruan sot se një muaj më parë lojtari u ka thënë bashkëlojtarëve se do të dëshironte të largohet prej katalunasve gjatë dimrit.
Kjo ka bërë që tre skuadrat e lartcekura të interesohen për shërbimet këmbëshpejti francez, i cili u transferua për 140 milionë euro nga Borussia Dortmund.
Megjithatë, Barça u ka bërë të qartë se 21-vjeçari nuk do të lejohet të largohet muajin e ardhshëm vetëm nëse aktivizohet klauzola e blerjes prej 400 milionë eurove.
Leo Messi është çelësi i vendimit, duke këmbëngulur që të mos e shesin lojtarin pasi kanë nevojë për lojtarin në Ligës së Kampionëve.
Ndryshe, Dembele deri më tani ka pasur 31 paraqitje për kampionët spanjoll dhe ka shënuar nëntë gola. /Telegrafi/