Paulo Dybala është rikthyer përsëri në radarin e klubit të madh anglez, Manchester United.
Sipas mediumit britanik Daily Mail, Djajtë e Kuq janë të gatshëm të lëvizin për transferimin e sulmuesit të Juventusit, Dybala.
Ky medium shton se klubi anglez do ta bëjë këtë nëse gjatë verës largohen Romelu Lukaku ose Paul Pogba.
Juventusi është i gatshëm të marrë në konsideratë ofertat për reprezentuesin e Argjentinës, por duhet të paguhet çmimi i kërkuar.
Dybala vlerësohet nga Zonja e Vjetër në mes të 70-90 milionë funte apo 78-100 milionë euro.
Paris Saint-Germain dhe Interi janë gjithashtu të interesuar në Dybala, edhe pse 25-vjeçari nuk është i interesuar për një lëvizje te këta të fundit. /Telegrafi/