Tifozët e Anglisë thuhet se tashmë po kërkojnë që tre lojtarë të fillojnë si titullar finalen e madhe të Euro 2024 kundër Spanjës të dielën mbrëma.
Tre Luanët mposhtën Holandën me rezultat 2-1 në mënyrë dramatike në gjysmëfinale, me goditjen mahnitëse të Ollie Watkins thuajse nga këndi i vdekur për ta mposhtur portierin Bart Verbruggen.
Goli i Watkins erdhi vetëm në paraqitjen e tij të dytë në Euro 2024 dhe ai shfrytëzoi maksimalisht mundësinë e tij në Dortmund.
Anglia ra herë në disavantazh pas goditjes nga distanca të Xavi Simons, por një penallti e Harry Kane rivendosi barazinë në minutën e 18-të.
Ndërsa Tre Luanët dominuan pjesën e parë, ata duhej të thithnin presionin holandez në pjesën e dytë dhe më pas godisnin kur ishte më e rëndësishmja.
Phil Foden dhe Kobbie Mainoo ishin të dy të jashtëzakonshëm gjatë natës, ndërsa momenti i Watkins do të shkruajë emrin e tij në librat e historisë së Anglisë, pavarësisht nga rezultati të dielën.
Kështu, tifozët po kërkojnë që Watkins, si dhe zëvendësuesit e tjerë Cole Palmer dhe Luke Shaw, të fillojnë si titullar finalen e Euro 2024 ndaj Spanjës.
“Nuk më intereson kush shkon në stol, Cole Palmer duhet të fillojë finalen e Euro 2024” dhe “Kjo është arsyeja pse Cole Palmer e meritoi vendin e tij në Euro dhe pse ai duhet të fillojë finalen”, ishin dy komente të dy tifozëve.
“Ollie Watkins është ajo që çdo tifoz anglez ka thirrur për të gjithë turneun. Dhe ai thjesht duhet të fillojë finalen” dhe “Starto me Watkins në finale, kam parë mjaftueshëm”, ishin dy komente tjera përkrahëse për sulmuesin e Aston Villas.
Një tifoz i pestë doli në përkrahje të mbrojtësit të Unitedit: “Shaw do të duhet të fillojë finalen. E di që ai nuk është 100 për qind, por është basti i tyre më i mirë”.
“Ne kemi nevojë të fillojmë me Watkins dhe Shaë në finale. Krijuesit e diferencës të uritur për shansin e tyre meritojnë të shpërblehen për ndërrimet e tyre”, shkroi një tifoz tjetër. /Telegrafi/