Shqipëria tashmë e kualifikuar do të përballet me Ishujt Faroe në ndeshjen e fundit të fazës kualifikuese për në Euro 2024.
Ndeshja që fillon në ora 20:45, do të zhvillohet në stadiumin “Air Albania”.
Për këtë ndeshje, duket se tifozët Kuq e Zi kanë përgatitur një befasi të madhe për të gjithë të pranishmit në stadium, por edhe për shikuesit nga ekranet televizive.
Sipas llogarisë në X (Ish-Twitter), një flamur gjigant do shfaqet në stadium, e që me gjasë do të krijojë emocione të forta tek të gjithë ne.
Tashmë festa ka filluar nëpër rrugët e Tiranës, para se të hapen dyert e “Air Albania”, me tifozët që do të nisen për atje nga ora 19:00.
Shqipëria synon që këtë fazë kualifikuese ta mbyllë si lider i Grupit E me 15 pikë (nëse barazojmë ndaj Ishujve Faroe), pasi ka 14 pikë, dy më shumë se Republika Çeke (një takim e kemi të fituar dhe një të barazuar). /Telegrafi/
Well it’s official tomorrow the big Albanian flag will be presented by the fans just like that one time vs Greece cant wait ❤️ pic.twitter.com/aRqTkPrutE
— Albania Football Federation (@AlbaniaFSHFFan) November 19, 2023