Joan Jordan është njëri nga lojtarët më të mirë këtë vit te Sevilla.
Mesfushori defensivë ka shkëlqyer me fanellën e klubit spanjoll, derisa po vlerësohet lartë.
Por aventura e tij te Sevilla mund të përfundojë më shpejtë se që kishte planifikuar, pasi shumë skuadra janë vënë pas tij.
Milan dhe Inter prej kohësh janë në vëzhgim të futbollistit, por tani së fundmi edhe dy skuadra tjera të mëdha italiane e duan atë.
Roma dhe Juventus janë dy skuadrat tjera nga Serie A që kanë shprehur interesim për lojtarin.
Përveç ekipeve italiane edhe Atletico Madrid në La Liga dhe Arsenal në Ligën Premier janë në garë për të.
Sevilla e kishte transferuar spanjollin dy vite më parë për 14 milionë euro, derisa tani synon shitjen e tij për një shumë prej 35 milionë.
26-vjeçari këtë edicion ka zhvilluar 41 ndeshje në të gjitha garat, ku ka shënuar dy gola dhe ka asistuar në shtatë të tjerë. /Telegrafi/