Kampionati evropian është në fazën e eliminimit direkt të Kombëtareve.
Tani tetë skuadra kanë mbetur në çerekfinale, ndërsa nga futbollistët shqiptar i vetmi pjesëmarrës tani është Shkodran Mustafi te Gjermania.
Kështu portali i njohur anglez, ‘Goal.com’, ka publikuar formacionin më të mirë të Kampionatit evropian deri më tani.
Ky formacion është publikuar për lojtarët që kanë kontribuar më së shumti për Përfaqësueset e tyre.
Ylli kosovar i Zvicrës, Xherdan Shaqiri ka zënë vend në këtë formacion, falë një asistimi në ndeshjen e parë ndaj Shqipërisë dhe një goli fantastik të shënuar ndaj Polonisë.
Përpos Shaqirit, në këtë formacion ka vend për dy futbollist gjerman, Jerome Boateng dhe Julian Draxler.
Ndërkohë David De Gea është në portë, Giorgio Chiellini dhe Williams në mbrojtje.
Mesfusha përveç Shaqirit dhe Draxlerit është e përbërë edhe me mesfushorët qendror, polakun Krychowiak dhe talentin portugez Renato Sanchez.
Ndërkohë treshja e sulmit është nga yje si Eden Hazard, Antoine Griezmann dhe Kolbeinn Sigthorsson.
Interesant është se në këtë formacion nuk është përfshirë fare ylli portugez Cristiano Ronaldo. /Telegrafi/
