River Plate pasurohet nga kalimi i Enzos te Chelsea – madje ja kalon edhe shitjes së tyre rekord

Benfica ka ofruar detaje shtesë nga shitja e Enzo Fernandez te Chelsea, duke bërë të ditur se ata kanë fituar 121 milionë euro.

Klubi portugez ka bërë të ditur se nga shitja e mesfushorit argjentinas, do të fitojë edhe River Plate, që kishte në klauzolë edhe 25 për qind nga shitja e ardhshme e lojtarit.

Kështu, klubi argjentinas ka fituar 45 milionë euro, gjë që e bënë edhe më befasuese se shitja e tyre rekord është Saviola që i është bashkuar Barcelonës për shumën e 35 milionë eruove.

Lexo po ashtu Detaje nga transferimi rekord i Enzo Fernandez te Chelsea

Kjo marrëveshje ka bërë që River Plate të fitojë më shumë nga kartoni i Enzos se sa shtija e këtij afati kalimtar.

Chelsea do të paguajë transferimin e Enzos me gjashtë këste, ku kësti i parë do të jetë mbi 45 milionë euro, ndërsa pesë të tjerë janë në shumën e 15 milionë eurove.

Fituesi i Kupës së Botës është bërë po ashtu transferimi rekord në Ligën Premier, duke e kaluar atë të Jack Grealishit te Manchester City për 117 milionë. /Telegrafi/