Real Madridi është i bindur se do të mund të transferojë belgun Eden Hazard nga Chelsea këtë verë.
Hazard është një objektiv i kamotshëm i klubit mbretëror dhe ky nuk është më një sekret.
Drejtuesit e klubit disa herë kanë treguar se pëlqejnë lojtarin, ndërsa kanë provuar edhe ta transferojnë në Bernabeu.
Sipas gazetës AS, Real Madrid po e përdorin strategjinë e njëjtë si ajo gjatë gushtit kur e sjellën Thibaut Courtois në Spanjë.
Me një vit të mbetur në marrëveshjen e tij aktuale, Reali i ka thënë Hazardit të mos marrë parasysh ndonjë ofertë të re nga Chelsea – ashtu siç bënë me Courtois vitin e kaluar.
Ndërsa gjërat shkojnë sipas planit, kjo verë do të përfaqësojë shansin e fundit për Chelsea që të marrë një pagesë të mirë për Hazardin.
Te Real Madridi janë të sigurt se rrethanat do të luajnë në favor të tyre dhe ylli belg do të transferohet në verë.
Hazard tashmë ka hedhur poshtë dy përpjekje këtë sezon nga Chelsea për të hapur bisedime të reja për rinovimin e kontratës, teksa ka shtuar se tashmë e ka marrë vendimin për të ardhmen. /Telegrafi/