Federata Ndërkombëtare për Histori dhe Statistika të Futbollit (IFFHS) ka publikuar në faqen e saj listën e dhjetë futbollistëve më të mirë të vitit 2023.
Ylli i Al Nassr, Cristiano Ronaldo nuk e ka gjetur veten në listën e më të mirëve të vitit nga IFFHS.
Kjo zgjedhje nuk i ka pëlqyer aspak portugezit të famshëm, i cili e ka shprehur mendimin e tij me emoji të qeshur në rrjetet sociale.
Ronaldo luan në Saudi Al Nassr dhe shënoi më shumë gola nga çdo lojtar në botë këtë vit kalendarik – 53 sosh, dhe ndoshta kjo është arsyeja pse ai mendon se duhet të ishte në këtë listë.
Lista kryesohet nga Erling Haaland, i dyti Kylian Mbappe dhe i treti Lionel Messi.
Në listë gjenden edhe emra si Rodri, Jude Bellingham, Kevin de Bruyne, Harry Kane, Bernardo Silva, Vinicius Junior dhe Lautaro Martinez.
Dhjetë lojtarët më të mirë në botë sipas IFFHS
1.Erling Haaland (Manchester City, Norvegji)
2.Kylian Mbappe (PSG, Francë)
3.Lionel Messi (Inter Miami, Argjentinë)
4.Rodri (Manchester City, Spanjë)
5.Jude Bellingham (Real Madrid, Angli)
6.Kevin de Bruyne (Manchester City, Belgjikë)
7.Harry Kane (Bayern, Angli)
8.Bernardo Silva (Manchester City, Portugali)
9.Vinicius Junior (Real Madrid, Brazil)
10.Lautaro Martinez (Inter, Argjentinë)
/Telegrafi/