Mesfushori brazilian Rafinha është rikthyer te Barcelona pas huazimit gjashtë mujor te Interi.
Skuadra italiane vazhdon të insistojë për transferimin e tij, por e dëshiron vetëm si huazim me të drejtë blerje.
Barcelona nuk është duke pranuar largimin e tij dhe po kërkon një skuadër që do ta blejë menjëherë.
Kësisoj Interi duket se do ta ketë tejet të vështirë t’i siguroj shërbimet e brazilianit.
Së fundmi mediat spanjolle kanë raportuar se braziliani mund ta vazhdoj karrierën në Angli tek Tottenham Hotspur.
Londinezët janë të gatshëm të paguajnë 35 milionë euro për transferimin e Rafinhas në Ligën Premier.
Interesim për mesfushorin kanë shprehur edhe dy skuadrat tjera të respektuara në Evropë si Fenerbahce dhe Benfica.
Rafinha në Serie A me fanellën e Interit zhvilloi 17 ndeshje ku shënoi dy gola dhe bëri tre asistime. /Telegrafi/