Pamjet e ngadalësuara të kamerave të sigurisë nga centrali bërthamor i Zaporizhzhia duket se tregojnë një zjarr në objektin më të madh bërthamor të Evropës.
Sipas kryetarit të bashkisë Dmytro Orlov të Enerhodarit aty pranë: “Granatimet e vazhdueshme të armikut të ndërtesave dhe njësive [të uzinës]”, dukej se shkaktuan një zjarr në stacionin bërthamor, shkruan BBC, përcjell Telegrafi.
Siç është raportuar më herët, një zjarr ka shpërthyer pranë një prej gjashtë reaktorëve bërthamorë në centralin Zaporizhzhia në Ukrainën juglindore.
Zaporizhzhia NPP is under fire! The entire Europe is at risk of a repeat of the nuclear catastrophe. Russians must stop fire! pic.twitter.com/P46YxKZZ0W
— Михайло Подоляк (@Podolyak_M) March 4, 2022
Ndërkohë Rregullatori i Ukrainës i tha IAEA-s se nuk ka pasur ndryshime të raportuara në nivelet e rrezatimit në vendin e centralit, ka postuar në Twitter agjencia bërthamore.
Zaporizhzhia thuhet se kontribuon rreth një të katërtën e fuqisë së Ukrainës dhe është më i madhi në Evropë.
Dhe pas kësaj, presidenti i Ukrainës ka kërkuar “veprim të menjëhershëm” nga bota mes sulmeve ruse në centralin më të madh bërthamor të Evropës.
“Centrali më i madh bërthamor në Evropë është në zjarr tani”, ka thënë Volodymyr Zelensky në një video të postuar në Twitter, përcjell Telegrafi. /Telegrafi/