Mëngjesin e sotëm, rreth orës 5:00 Forcat e Njësisë Speciale të Policisë së Kosovës kanë ndërmarrë një aksion në katër komunat veriore, i cili aksion është duke vazhduar ende.
Sipas informacioneve të para, ky aksion lidhet edhe me vrasjen e policit Enver Zymberi dhe atë të ish-politikanit serb Oliver Ivanoviq si dhe për krim të organizuar.
“Forca të mëdha të policisë kanë ndërhyrë në katër komunat e Kosovës. Deri më tash pesë persona janë arrestuar”, ka thënë burimet për Telegrafin.
Ndërkaq, edhe sirenat që simbolizojnë situata të jashtëzakonshme në veri të Kosovës janë lëshuar.
Edhe shkollat në veri nuk janë duke punuar sot, pasi prindërit nuk i kanë dërguar fëmijët e tyre.
Ndërsa me dhjetëra persona janë tubuar në Zubin Potok, ndërsa në komunat tjera ku po ndodh aksioni nuk shihen qytetarë./Telegrafi/
