Real Madridi është duke kaluar formë shumë të dobët këtë kampionat dhe trajnerit Zinedine Zidane, i ka mbetur vetëm Liga e Kampionëve ku mund të garojë.
Këto rezultate kanë bërë që stoli i trajnerit francez të lëkundet edhe pse ka fituar shumë trofe në dy vite.
Si zgjedhje e mundshme për ta zëvendësuar Zidanen shihen Mauricio Pochettino dhe Jurgen Klopp.
Të dy trajnerët kanë qenë në listë edhe në të kaluarën, me Pochettinon që është i pëlqyeri i presidentit Florentino Perez.
Në anën tjetër edhe Klopp kishte impresionuar në Santiago Bernabeu me Borussia Dortmundin e tij.
Argjentinasi ka aktualisht kontratë me Tottenhamin, ndërsa ka edhe klauzolë për largimin e tij.
Por mbretërit kanë marrëdhënie shumë të mira me shefin ekzekutiv të Tottenham, Daniel Levy.
Në anën tjetër Klopp mund të jetë më lehtë i arritshëm, por gjithçka varet nga mënyra se si do ta mbyll Liverpooli kampionatin. /Telegrafi/