Sipas raportimeve në Itali, Arthur Melo ishte zgjedhja e dytë për Liverpoolin në ditën e fundit të transferimit, pasi fillimisht ata kishin kërkuar nga Juventusi për Denis Zakarian, i cili përfundoi te Chelsea.
Bianconerët mundën të hiqnin qafe dy nga mesfushorët që ishin të tepërt në planet e Massimmilano Allegrit në orët e fundit të afatit kalimtar të verës.
Arthur u transferua në Liverpool në formë huazimi për katër milionë euro me një opsion blerjeje për 37.5 milionë euro të tjera.
Disa orë më vonë, Zakaria përfundoi transferimin e tij te Chelsea – edhe pse nuk u njoftua deri në orët e para të ditës së martë dhe ai realizoi testet e tij mjekësore në Torino – në huazim për tre milionë euro me opsion blerjeje për 28 milionë euro plus 5 milionë bonuse.
Sipas Calciomercato.com, Liverpool fillimisht kishte kërkuar Zakarian, por nuk mund të binte dakord për një marrëveshje me klubin ose lojtarin.
Në vend të kësaj, ata iu drejtuan planit të tyre B, që ishte mesfushori brazilian Arthur, dhe shpejt realizuan transferimin. /Telegrafi/
#Juve, retroscena #Zakaria: non solo il #Chelsea, ci ha provato il #Liverpool https://t.co/QJWIdMSRjp
— calciomercato.com (@cmdotcom) September 4, 2022