Përmbysjet më të mëdha në histori të Ligës së Kampionëve

Driton Gajraku

6 years ago

Liverpooli ka bërë rikthimeve sensacionale, duke përfshirë edhe humbjen e ndeshjes së parë 3-0, ku The Reds ishte pothuajse i eliminuar nga Liga e Kampionëve, duke ditur edhe mungesat si Mohamed Salah e Roberto Firmino nuk do të luanin kundër Barcelonës.

Skuadra angleze e përmbysi rezultatin mbrëmë ndaj katalonasve, duke fitur 4-0 në Anfield Road.

Liverpool e siguroi finalen që do të mbahet në Madrid, por kjo përmbysje e rezultatit do të mbetet gjatë në memoriet e futbolldashësve.

Liverpool vs Barcelona (Foto: Clive Brunskill/Getty Images/Guliver)

Telegrafi ju sjell përmbysjet më të mëdha që kanë ndodhur në histori të Ligës së Kampionëve:

Ishte sezoni 2016/17 i Ligës së Kampionëve, atëherë kur PSG e kishte mposhtur Barcelonën në ndeshjen e parë të 1/16-së së finales me rezultat 4-0 në Parkun e Princave, por në Camp Nou, rezultati u përmbysë në 6-1.

Sezoni 2017/18 ishte sërish Barcelona ajo që ishte protagoniste, por tani duke u eliminuar nga Roma.

Skuadra italiane e kishte humbur ndeshjen e parë në Camp Nou me rezultat 4-1, ndërsa në ndeshjen e dytë në Olimpico kishte fituar 3-0 në çerekfinale të garës më të madhe për klube në kontinentin e vjetër në Evropë.

Milan është njëri ndër klubet më të trofeshme në kuadër të Ligës së Kampionëve, por edhe që ka pësuar eliminime të turpshme.

Ishte sezoni 2003/04 i Ligës së Kampionëve, atëherë kur rosonerët u përballën me Deportivo La Corunan në çerekfinale, ku ndeshja e parë ishte fituar nga Milani 4-1 ndaj Deprtivos, gjersa ndeshja e dytë në Spanjë kishte përfudnuar 4-0 për La Corunan.