Norberto Neto, Mattia Perin dhe Wojciech Szczesny janë në listën e dëshirave të Milanit pasi Gianluigi Donnarumma hodhi poshtë një vazhdim të kontratës.
Klubi kuqezi ka nevojë për një portier të ri, pasi sot u njoftua se 18-vjeçari nuk pranon përfundimisht të nënshkruaj një zgjatje të kontratës.
Sipas Sky Sport Italia, ndër të tjera, zgjedhja e parë është braziliani Neto, i cili e kaloi këtë sezon në stolin e Juventusit si zëvendësues i Gigi Buffon.
Megjithatë, Juventusi kërkon 10 milionë euro për ish lojtarin e Fiorentinës, i cili është gjithashtu një objektiv për Watfordin, Valencian dhe Napolin.
Në mënyrë të ngjashme, Bianconerët tashmë kanë një marrëveshje me Szczesny, por Arsenali ende nuk ka rënë dakord për transferimin e portierit që ka kaluar dy vitet e fundit në huazim te Roma.
Një tjetër kandidat është italian Perin, pasi Milani ka një marrëdhënie të shkëlqyeshme me Genoan, por pikëpyetjet mbeten në mënyrë të pashmangshme rreth aftësive të 24 vjeçarit. /Telegrafi/
