Site icon Telegrafi

Ozil thuhet se ka arritur marrëveshje personale me Fenerbahcen

I padëshiruari i Arsenalit, Mesut Ozil, është i gatshëm të pranojë një shkurtim të madh të pagës së tij aktuale për t’u bashkuar me turqit e Fenerbahces.

Më herët gjatë ditës u raportua se Ozil kishte një ‘takim sekret’ me drejtuesit e klubit turk rreth një transferimi të mundshëm.

Gazeta turke Sozcu raporton se presidenti i Fenerit, Ali Koc, drejtori sportiv Emre Belozoglu dhe personaliteti i televizionit Acun Ilicali ishin kohëve të fundit në Londër për bisedime me Ozilin në lidhje me një lëvizje në Turqi.

Lexo po ashtu Ozil mban ‘takim të fshehtë’, afër marrëveshja me Fenerbahcen

Ndërsa Ozil përjashtoi të bashkohej me Fenerin muajin tjetër, takimi thuhet se solli një premtim nga gjermani për të bërë lëvizjen në qershor kur ai të bëhet lojtar i lirë.

Në të vërtetë, kushtet personale thuhet se u arritën verbalisht gjatë samitit të mesfushorit kreativ me drejtuesit e klubit turk.

Ozil thuhet se kërkoi një pagë vjetore prej pesë milionë eurosh. Për më tepër, duhet të ketë një bonus nënshkrimi, i cili duhet të shpërndahet për disa vjet.

Lexo po ashtu Kur hapet afati kalimtar i janarit 2021 në pesë kampionatet kryesore dhe cilët janë lojtarët më të kërkuar

Kjo do të thotë që paga e Ozil shkon në tetë milionë euro në vit apo plot 13 milionë euro më pak sesa paga që merr aktualisht te Arsenali.

“Atëherë do të shihemi përsëri në qershor”, mësohet të jetë përgjigjur Koc. Synimi është që të dy palët të takohen përsëri në qershor dhe ta zyrtarizojnë marrëveshjen. /Telegrafi/

Exit mobile version