Shumë sekuenca të spektaklit Big Brother VIP Kosova janë bërë tashmë virale në rrjetet sociale.
Kështu ndodhi së fundmi edhe me një video të këngëtarit të njohur Blero, e cila e shfaq atë duke folur në gjumë, dhe tashmë ka marrë zemrat e përdoruesve të TikTok të cilët e kanë shndërruar atë në një hit të vërtetë viral.
Në video, Blero i njohur për muzikën e tij dhe si një nga konkurrentët më të fortë të edicionit të dytë të “Big Brother VIP Kosova”, dëgjohet duke thënë me zë të ulët por të qartë: “Ndale kamerën,” teksa duket të jetë thellë në gjumin e tij.
Ky moment, i kapur rastësisht dhe ndarë me publikun, ka shkaktuar të qeshura pafund te ndjekësit e programit.
Mesa duket, këngëtari i hitit “Fotografia” vuan nga ajo që duhet “somnilokia” – e cila është një nga parasomnitë që përfshijnë edhe të ecurit somnambul dhe makthet gjatë natës – dhe e gjitha zhvillohet në ndërgjegjen e njeriut.
Ndërkohë që videoja vazhdon të përhapet, fansat dhe ndjekësit e tij janë të sigurt që do të presin me padurim momentin e ardhshëm kur Blero – qoftë në gjumë apo zgjuar – do t’i sjellë atyre një tjetër buzëqeshje të papritur.
Këtë javë të nominuar janë të gjithë banorët e shtëpisë dhe të premten do të eliminohet konkurrenti më pak i votuar nga publiku. /Telegrafi/