Keylor Navas ka folur për të ardhmen e tij dhe transferimin e mundshëm të Thibaut Courtois te Real Madridi.
Gjatë javëve të fundit është përfolur për një arritje të një marrëveshje e cila e sheh Courtois të transferohet te Real Madridi nga Chelsea.
Megjithatë, Navas thotë se nuk është i shqetësuar për këtë pasi ai ka edhe dy vite kontratë me Realin dhe do të mundohet t’i shijojë në maksimum ditët si portieri i Mbretërve.
“Unë tashmë kam folur me Lopeteguin. Gjithçka është mirë, çdo gjë është e mirë, nuk shqetësohem”, ka thënë fillimisht Navas për La Nacion.
“Jam i qetë. E vërteta është se unë kam edhe dy vjet të mbetura në kontratën time, në të cilën duhet të shpenzoj energjitë e mia dhe mendja ime po mendon se si të përmirësohem dita ditës”.
“Më pëlqen çdo moment, duhet të shohim se çfarë do të ndodhë në të ardhmen. Deri atëherë unë nuk duhet të ndalem së shijuari jetën”.
“Jam i qetë dhe jam mirë në Madrid. Gjithmonë kam thënë, çdo vit, se unë mund të jem aty, sepse do të jem shumë i lumtur”.
“Jam i lumtur dhe me të vërtetë i jam mirënjohës ndaj Zotit, sepse kam mundësi shumë të këndshme t’i përshkoj të gjitha ëndrrat e botës, sikur u zhvendosa për herë të parë”.
“Unë do të punoj shumë dhe do të përpiqem çdo ditë që të vazhdoj të shijoj atë që është në Madrid”, përfundoi portieri nga Kosta Rika. /Telegrafi/