Radja Nainggolan ka refuzuar transferimet fitimprurëse në Kinë dhe tek skuadra turke Galatasaray, pavarësisht se është thënë se ai nuk është në planet e Interit.
Drejtori i Interit, Beppe Marotta dhe trajner Antonio Conte konfirmuan në fundjavë se Mauro Icardi dhe Nainggolan nuk janë në planet e klubit Nerazzurr.
Megjithatë, edhe përkundër kësaj mesfushori belg ka refuzuar disa propozime të mëdha për t’u larguar nga Interi.
Sipas mediumit FCInterNews, Nainggolan ka marrë propozime me paga të larta nga Jiangsu Suning dhe Galatasaray, të cilat janë të interesuara në huazimin e tij me të drejtë blerje.
Por, ai nuk e ka ndërmend të bëjë këto transferime, madje as edhe përkohësisht shton mediumi i afër me klubin italian.
Interi nënshkroi me Nainggolan një vit më parë nga Roma për 38 milionë euro plus bonuse, por ka dështuar të bind drejtuesit e klubit nga Giuseppe Meazza. /Telegrafi/