Ylli i Barcelonës, Lionel Messi ishte i befasuar nga lëvizja e Cristiano Ronaldos dhe tani thotë se Juventusi është një favorit i qartë për të fituar Ligën e Kampionëve.
Transfermi prej 100 milionë eurosh mund të mos ketë dhënë asnjë gol në tre ndeshjet e para të Serie A, por fituesi i Topit të Artë gjithmonë ka dhënë më të mirën në garën evropiane.
Edhe rivali i tij më i madh për trofe të mëdha ndërkombëtar, Messi, ka rënë dakord.
Ylli argjentinas në një intervistë për Radio Catalunya ka thënë se Juventusi tani janë një ndër favoritë kryesor për ta fituar Ligën e Kampionëve.
Në anën tjetër, rivalët e Real Madridit janë pak më të dobët pa yllin porugez, i cili kaloi në Torino.
“Real Madridi është më pak i fortë, pa Cristiano Ronaldon në skuadrën e tij, pasi që ai është një nga më të mirët në botë”, ka thënë fillimisht Messi.
“Juventusi është një favorit i qartë për të fituar Ligën e Kampionëve pasi tani ata kanë Cristiano Ronaldon”.
“Isha i habitur nga vendimi i tij, pasi nuk pritja që ai të largohej nga Madridi ose të shkonte në Juventus. Është një ekip shumë i mirë”, përfundoi argjentinasi. /Telegrafi/