David Beckham dëshiron të bëjë histori në Major League Soccer me ekipin e tij të ri, Inter Miami , i cili do të debutojë në sezonin 2020.
Që në fillim, ai dëshiron të formojë një ekip të mbushur me disa nga yjet më të mëdha të futbollit në planet.
Është një plejadë e yjeve që ai dëshiron t’i ofrojë në Florida, nëse është e mundur.
“Nëse Beckham më dëshiron mua në ekipin e tij, unë do të shkoj, sepse do të doja ta përfundoja karrierën time në MLS”,ka thënë Antoine Griezmann për L’Equipe.
Ky është një hap në karrierën e 27-vjeçarit, që e ka pranuar se në të ardhmen do të ishte i gatshëm të marrë rrugë drejt Shteteve të Bashkuara dhe duket se Inter Miami është ekipi i tij i zgjedhur.
“Unë dua të krijoj ekipin më të madh dhe më të mirë në SHBA dhe për këtë, ne duhet të tërheqim disa nga lojtarët më të mirë”, ka thënë anglezi.
Sipas The Times, një nga ëndrrat e tij të mëdha është bindja e Lionel Messit për të shkuar në Miami, kur ai është 33 vjeç.
“Ne do të shohim se çfarë do të ndodh në dy vjetet e ardhme”, deklaroi Beckham.
Një skenar është edhe Cristiano Ronaldon me Leon në sulm.
Në vitin 2020, ai do të jetë 35 vjeç, por do të jetë nën kontratë edhe për dy sezonet tjera me Juventusin.
Express gjithashtu raporton se Beckham dëshiron të bindë disa lojtarë nga klubi i tij i vjetër Manchester United (Wayne Rooney, Nani, Antonio Valencia dhe Zlatan Ibrahimovic) për t’u bashkuar me aventurën e tij të re dhe Ronaldo është një prej tyre.
Një tjetër lojtar që pëlqehet është Radamel Falcao.
Kontrata e kolumbianit me Monacon përfundon në vitin 2020 dhe ai gjithmonë ka deklaruar se do të dëshironte të përfundonte karrierën e tij në SHBA.
Zinedine Zidane është ëndrra për trajner. Sipas Mirror, kontaktet tashmë kanë filluar.
Ardhja e tij do ta kthente projektin në ëndërr të realizuar. /Telegrafi/