Barcelona është në një krizë të hatashme financiare dhe e gjithë kjo ka ardhur shkaku i shpenzimeve të mëdha në pagat e lojtarëve, ku shumica nga ta as nuk po e japin ndikimin e tyre në ekip.
Klubi katalunas ka hasur në probleme të mëdha, pasi nuk po arrin t’i regjistrojë transferimet e reja si Sergio Aguero, Eric Garcia, Memphis Depay dhe Emerson.
E gjithë kjo vjen pasi Barcelona është në probleme serioze financiare dhe i nevojiten shumë mjete financiare për të regjistruar transferimet e reja dhe për të rinovuar kontratën e yllit kryesor të ekipit, Lionel Messi.
Sipas raportimeve të mediave në Spanjë, klubi po kërkon të zvogëlojë faturën e pagave me një shumë të madhe prej 200 milionë euro, duke sugjeruar se ka disa yje që Barcelona po kërkon t’i largojë.
Samuel Umtiti, Philippe Coutinho dhe Miralem Pjanic, thuhet se do të shiten ose huazohen nga klubi në një përpjekje për të kursyer 64 milionë euro bruto në paga, megjithatë asnjë pretendent nuk ka shprehur interesim për treshen deri më tani.
Por, kush janë lojtarët që paguhen më shumë te Barcelona dhe cilat janë pagat e të gjithë futbollistëve?
Messi padyshim se është lojtari më i paguar te Barcelona me një pagë javore prej mbi 600 mijë euro apo vjetore prej rreth 35 milionësh, ndërsa Antoine Griezmann paguhet rreth 400 mijë euro në javë.
Në mënyrë tronditëse, lojtarët e pashfrytëzuar si Miralem Pjanic dhe Philippe Coutinho fitojnë mbi 11 milionë euro, respektivisht 8.6 milionë euro në vit.
Telegrafi më poshtë u sjell pagat e të gjitha lojtarëve të Barcelonës:
/Telegrafi/