Real Madridi theu barrierën prej 100 milionë eurosh për të nënshkruar me Gareth Bale nga Tottenham në vitin 2013, duke e bërë uellsianin lojtarin e parë që përfshihet në një marrëveshje të asaj madhësie.
Anësori ishte i pari që hyri në një klub në të cilin tani ka 12 anëtarë, por pak kanë qenë në gjendje të përmbushin pritshmëritë që kanë ndjekur lëvizjet e tyre.
Bale shënoi 106 gola dhe dha 67 asistime në 258 ndeshje për Real Madridin. Ai fitoi 16 tituj, duke përfshirë pesë Liga të Kampionëve, përpara se të largohej këtë verë për skuadrën e MLS, Los Angeles FC.
Duke marrë parasysh paraqitjet e lojtarëve të tjerë që janë blerë për më shumë se 100 milionë euro, shifrat e Bale janë edhe më mbresëlënëse. I fundit që nuk ka arritur standardin e pritur është Romelu Lukaku, i cili u bashkua me Chelsean nga Interi verën e kaluar për 115 milionë euro, për t’u kthyer në Itali si huazim një vit më vonë.
Neymar në Paris Saint-Germain: 222 milionë euro (2017)
Skuadra e Ligue 1 theu rekorde dhe kufij duke shpenzuar 222 milionë euro për të nxitur klauzolën e lirimit të Neymar në Barcelonë, por gjëat nuk ka shkuar sipas planit për shkak të një sërë lëndimesh që kur ai është në Francë.
Ai ka 100 gola dhe 60 asistime në 144 ndeshje, që është një rikthim mbresëlënës, por numri i paraqitjeve nuk është ai që pritej. Gjithsej, ai ka 11 tituj, por jo Ligën e lakmuar të Kampionëve.
Kylian Mbappe te PSG: 180 milionë euro (2018)
Duke mbërritur fillimisht në të njëjtën verë si Neymar, por në huazim nga Monaco, nënshkrimi i Mbappes u bë i përhershëm një vit më vonë. Ai ka 170 gola dhe 88 asistime në 216 ndeshje që atëherë, dhe së fundmi ka refuzuar Real Madridin për të zgjaturkontratën deri në vitin 2025.
Fituesi i Kupës së Botës është një përjashtim nga mallkimi.
Ousmane Dembele te Barcelona: 140 milionë euro (2017)
Largimi i Neymar e la Barcelonën që kishte nevojë për një zëvendësim dhe ata gjetën një te Dembele, ose kështu menduan. Ata shpërndanë para të mëdha për të nënshkruar me sulmuesin anësor, por koha e tij në Camp Nou ishte kryesisht e dobët dhe e rrënuar nga lëndimet.
Ardhja e Xavi Hernandez pa gjërat të përmirësoheshin, por tani ai mund të largohet me një transferim të lirë pasi duket gjithnjë e më pak gjasa për të rinovuar.
Philippe Coutinho në Barcelonë: 135 milionë euro (2018)
Ashtu si Dembele, Coutinho mbërriti në Barcelonë teksa ata kërkonin të rindërtoheshin, dhe me largimin e Andres Iniestas gjithashtu. Duke qenë se kishte impresionuar me Liverpoolin, ai duhet të kishte shkëlqyer në Camp Nou, por ai kurrë nuk u përshtat, pavarësisht se e nisi mjaft mirë.
Joao Felix në Atletico Madrid: 127.2 milionë euro (2019)
Atletico nënshkroi djaloshin e artë të Benficas për para të mëdha, duke rrezikuar një nga talentet e rinj më të kompletuar në Evropë. Ai ka treguar shenja të shkëlqimit të tij nën drejtimin e Diego Simeones, por ka një ndjenjë se ai kurrë nuk do të arrijë lartësitë që mund të arrinte nën argjentinasin.
Antoine Griezmann në Barcelonë: 120 milionë euro (2019)
Katalanasit nënshkruan me një kampion bote, por ai shënoi vetëm 33 herë dhe asistoi 15 në 101 ndeshje përpara se të kthehej në Atletico Madrid.
Jack Grealish në Manchester City: 117.5 milionë euro (2021)
Aston Villa kishte një diamant dhe të gjithë e donin Grealishin, por City shpenzoi shumë për nënshkrimin e tij. Ai luajti pak sezonin e kaluar, por kishte vetëm 10 gola në 39 ndeshje. Nuk ishte një fillim i keq, por pritej më shumë.
Cristiano Ronaldo në Juventus: 117 milionë euro (2018)
101 golat e tij dhe 22 asistimet në 134 ndeshje sugjerojnë se ai është një përjashtim nga mallkimi, dhe në nivel personal ai është. Por gjatë kohës së tij në Torino, Juventusi humbi shkjëlqimin e tyre në Serie A, me Interin dhe tani Milanin që u kurorëzuan kampionë. Ai gjithashtu dështoi të ndihmonte Juventusin në suksesin e Ligës së Kampionëve dhe ekziston një argument se nënshkrimi i tij e pengoi klubin dhe i detyroi ata të dobësoheshin.
Eden Hazard në Real Madrid: 115 milionë euro (2019)
Pasi shkëlqeu me Chelsean, Hazard pritej të ndihmonte Los Blancos për të kapërcyer largimin e Cristiano Ronaldos një vit më parë. Por, ai ka luajtur vetëm 66 herë në tre vjet, pasi është rrënuar nga lëndimet dhe nuk e ka treguar kurrë veten e tij të vjetër.
Romelu Lukaku në Chelsea: 113 milionë euro (2021)
Aventura e dytë e belgut në Stamford Bridge nuk ishte shumë më e mirë se e para. Periudha e tij e parë e pa atë të luajë 15 herë, por pas kthimit të tij ai shënoi 15 herë në 44 ndeshje, mirëpo ai u përplas me Thomas Tuchel dhe tani është rikthyer në huazim te Interi për një tarifë prej tetë milionë euro.
Paul Pogba në Manchester United: 105 milionë euro (2016)
Videoja e njoftimit të Pogba me Stormzyn mbetet një nga momentet e tij më të paharrueshme në Old Trafford, pavarësisht zhurmës që e rrethoi rikthimin e tij nga Juventusi në vitin 2016. Ai luajti 233 herë, shënoi 39 gola dhe asistoi 51. Ai fitoi Ligën e Evropës, por ndryshimet e trajnerit në klub nuk e kanë ndihmuar atë. Tani, ai do të kalojë nga United në Juventus si një transferim i lirë për herë të dytë. /Telegrafi/
