PSV Eindhoven mund të mbetet pa yllin kryesor të skuadrës, sulmuesin Donyell Malen.
Qendërsulmuesi holandez ka bërë një sezon fantastik me fanellën e PSV, duke shënuar e asistuar thuajse në çdo ndeshje.
23-vjeçari më parë ka qenë pjesë e të rinjve të Ajaxit dhe Arsenalit, është rritur shumë si futbollist dhe tani është ndër lojtarët më të mirë në Eredivisie.
Në 25 ndeshje të zhvilluara në të gjitha garat këtë edicion, Mallen ka shënuar 17 gola dhe ka bërë nëntë asistime.
Kjo ka bërë që pesë top klube evropiane të vihen pas tij duke synuar transferimin e reprezentuesit holandez në verë.
Barcelona e ka prej kohësh në listë ‘tulipanin’ e talentuar, ndërsa ai po kërkohet edhe nga ish klubi i tij Arsenal.
Milan, Napoli dhe Roma gjithashtu kanë shprehur interesim për lojtarin, por PSV po kërkon shumë për të.
24 herë kampioni holandez u ka bërë të qartë klubeve të interesuara, se për ta lënë të lirë yllin e tyre duhet të shpenzojnë mbi 35 milionë euro. /Telegrafi/