Enzo Fernandez është një nga futbollistët e rinj më të mirë në këtë Kampionat Botëror që po mbahet në Katar.
Mesfushori argjentinas ka shkëlqyer me Kombëtaren e tij, por edhe në sezonin e tij të parë në Evropë me Benfican.
21-vjeçari ka zhvilluar pesë ndeshje me Argjentinën ku ka një gol dhe një asistim në këtë Kupë të Botës.
Ndërkohë në 24 ndeshje zyrtare me Benfican, Enzo Fernandez ka shënuar tre gola e ka asistuar në pesë të tjerë.
Mediumi portugez ‘Record’ ka raportuar se Liverpooli po e kërkon transferimin e argjentinasit dhe tanimë kanë nisur bisedimet me agjentët e futbollistit.
Dëshira e lojtarit është për ta bërë një hap para në karrierën e tij, por vlera e tij është rritur shumë.
Madje gjiganti portugez Benfica nuk e ka ndërmend për ta lënë të lirë lojtarin pa u paguar klauzola e tij e cila është shumë e lartë prej 120 milionë eurove.
Gjithsesi interesim për lojtarin kanë shprehur edhe Real Madrid e Manchester City. /Telegrafi/