Legjenda angleze, Gary Lineker i është bashkuar debatit të përjetshëm se kush është lojtar më i madh mes Lionel Messit dhe Cristiano Ronaldos, ndërsa ka zgjedhur yllin argjentinas.
Messi dhe Ronaldo padyshim që kanë qenë dy lojtarët më të shquar të brezit të tyre, duke fituar 11 herë çmimin e Topit të Artë gjatë 12 viteve të fundit.
Argjentinasi, i cili e ka kaluar tërë karrierën te Barça, mban rekordin me gjashtë çmime të Topit të Artë dhe nuk ka treguar shenja të ngadalësimit pavarësisht se i afrohet ditëlindjes së tij të 33-të.
Ndërkohë, Ronaldo, 35-vjeçar, ka shijuar sukses te Manchester Unitedi, Real Madridi dhe Juventusi, ndërsa siguroi jetëgjatësinë e tij në nivelin më të lartë duke e shndërruar veten nga një anësor i sulmit në një sulmues qendre.
Të dy kanë fituar tituj të shumtë në ligë dhe Evropë, duke vendosur rekorde të reja të pashembullta të golave dhe asistimeve, por Lineker beson se Ronaldo “nuk është as afër” Messit për sa i përket aftësisë së përgjithshme.
“Njerëzit bëhen shumë fisnorë në të gjitha llojet e mënyrave në jetë, dhe Messi kundrejt Ronaldos është një prej tyre”, ka thënë fillimisht Lineker për BBC Sport.
“Shpesh zgjedhja duket se do vjen nëse ju mbështesni Barcelonën, Real Madridin, Juventusin apo këndo qoftë, që është në rregull – e kuptoj këtë”.
“Unë jam një tifoz i madh i Ronaldos gjithashtu, por nëse po flisni për lojtarin më të mirë ndonjëherë, nuk duhet as të debatohet se është Messi”.
“Ky është vetëm mendimi im, por për mua as nuk janë afër njëri-tjetrit”, përfundoi anglezi. /Telegrafi/