Kryeministri i Kosovës, Albin Kurti ka folur për lëndimin e pesë pjesëtarëve të Policisë së Kosovës, gjatë një aksioni për ndalimin e kontrabandës me mallra në veri të vendit.
Kurti ka shprehur falënderim për trimërinë dhe profesionalizmin e treguar nga pjesëtarët e policisë.
“I kemi pesë zyrtarë policorë të lënduar në veri duke luftuar kontrabandën, mund të shpreh falënderimin për trimërinë dhe profesionalizimin e tyre të treguar. Shpresoj që prokuroria e gjyqësori të jenë në nivel të detyrës e mos të na përsëriten gjëra të tilla”, tha Kurti.
Kryeministri bëri të ditur se sot pasdite në zyrën e tij do të pres policët e lënduar.
“Pasdite në orën 17:00 do ti pres në takim policët e lënduar në zyrën e kryeministrit në ndërtesën e Qeverisë së Kosovës”, tha Kurti. /Telegrafi/