Telegrafi

Kur mund të prezantohet Pogba dhe Di Maria te Juventusi

Juventusi dëshiron të ketë Paul Pogban dhe Angel Di Marian në Torino deri të shtunën, sipas raportimeve në Itali.

Dyshja do t’i bashkohet Biannonerëve si lojtarë të lirë këtë verë.

Pogba është një lojtar i lirë pas largimit nga Manchester United, ndërsa Di Maria u largua nga Paris Saint-Germain pas skadimit të kontratës së tij.

Lexo po ashtu Pogba dhe Di Maria pritet të zyrtarizohen në javën e ardhshme te Juventusi

Dhe Goal raporton se të dy mund të jenë në Torino të shtunën teksa kërkojnë të finalizojnë nënshkrimet.

Pogba do të ishte një rikthim në Juve, pasi kishte luajtur për klubin nga viti 2012 deri në 2016, mes periudhave te United. Ai ka fituar titullin e Serie A në secilin nga katër sezonet e tij në Torino.

Di Maria thuhet se ka vonuar vendimin e tij se cili ekip do t’i bashkohet mes interesimit të Barcelonës, por duket se do të nënshkruajë për Juventusin.

Lexo po ashtu Katër formacionet se si Juventusi mund të luajë me Di Marian

Skuadra e Massimiliano Allegrit fillon para-sezonin më 22 korrik, kur përballet me skuadrën meksikane Chivas në stadiumin Allegiant në Las Vegas, Nevada.

Ata më pas përballen me dy ndeshje të tjera përgatitore, kundër Barcelonës dhe Real Madridit, përpara se sezoni i tyre 2022-23 të Serie A të fillojë me vizitën e Sassuolos më 15 gusht. /Telegrafi/