Në Nyon të Zvicrës është hedhur shortin për ndeshjet gjysmëfinale të Ligës së Kampionëve dhe asaj të Evropës, ku janë mësuar edhe çiftet dhe oraret.
Shorti i Ligës së Evropës është hedhur nga ora 12:00, ndërsa ai i Ligës së Kampionëve një orë më vonë, pra nga ora 13:00.
Fati deshi që në gjysmëfinalet e Ligës së Evropës të takohen Arsenali me Atletico Madridin dhe Marseille ndaj RB Salzburg.
Ndeshja e parë në mes të Arsenalit dhe Atleticos do të zhvillohet me datë 26 prill në Emirates Stadium, ndërsa më 3 maj e kthimit në Wanda Metropolitano.
Edhe në ndeshjen tjetër, takimi i parë zhvillohet më datë 26 maj në Welodrome, ndërsa ai i kthimit në Red Bull Arena më 3 maj, teksa finalja e madhe luhet në Stade de Lyon me 16 maj.
Në gjysmëfinalet e Ligës së Kampionëve fati deshi që të ndeshen Bayern Munichu me Real Madridin dhe Liverpooli me Romën.
Ndeshja e parë mes Bayernit dhe Realit do të zhvillohet më 25 prill në Allianz Arena, ndërsa ajo e kthimit më 1 maj në në Santiago Bernabeu.
Takimi tjetër mes Liverpoolit dhe Romës zhvillohet më datë 24 prill në Anfield, ndërsa më 2 maj në Olimpico.
Finalja e madhe e kësaj gare do të zhvillohet më 26 maj në Olympic Stadium, Kyiv, Ukrainë. /Telegrafi/