Mesfushori i talentuar turk, Orkun Kokcu ka refuzuar largimin nga klubi holandez Feyenoord.
Shumë skuadra të mëdha evropiane ishin në garë për të, përfshirë Barcelonën, Arsenalin e Chelsean.
Madje më së afërmi të nënshkruajë me të ishte gjiganti londinez Arsenal, duke bërë edhe një ofertë zyrtare.
Topçinjtë kishin ofruar 22 milionë euro për transferimin e turkut, ofertë që u hodh poshtë nga Feyenoord.
𝐁𝐑𝐄𝐀𝐊𝐈𝐍𝐆 🌍
Before the weekend starts…@Orkun_Kokcu ➩ 𝟐𝟎𝟐𝟓#Orkun2025 x #Feyenoord
— Feyenoord Rotterdam (@Feyenoord) June 26, 2020
Tani gjiganti holandez ka bërë zyrtare vazhdimin e bashkëpunimit me lojtarin.
Kokcu ka nënshkruar kontratë të re afatgjate e cila e mbanë në Eredivisie deri në verën e vitit 2025.
Kësisoj lojtari këtë verë nuk pritet të largohet nga klubi, por në rast se vazhdon shkëlqimi i tij atëherë në afatet e ardhshme kalimtare mund të bëjnë përpjekje përsëri skuadrat e mëdha. /Telegrafi/