Trajneri i Liverpoolit, Jurgen Klopp, ka thënë se ish-kapiteni i The Reds, tani trajneri i Aston Villas, Steven Gerrard, do ta marrë “100 për qind seriozisht” ndeshjen e së dielës kundër Manchester Cityt.
Skuadra e Klopp është një pikë prapa Cityt në ndeshjen e fundit të sezonit.
Gerrard mund të ndihmojë ish-klubin e tij të fitojë titullin e Ligës Premier nëse skuadra e tij mposhtë ose barazojë në Man City dhe Liverpool fiton ndaj Wolves.
“Unë mund t’i kuptoj këto lloj situatash vetëm duke menduar për veten në këtë rol”.
“Nëse do të luaja një ndeshje dhe do të mund të ndihmoja [ish-klubet] Dortmund ose Mainz, do të thoshte për mua një motivim shtesë. Kështu është”.
“Ne jemi të gjithë qenie njerëzore. Stevie do ta marrë 100 për qind seriozisht pa e thirrur unë apo çfarëdo tjetër. Nuk duhet ta bëj, ndoshta pjesa tjetër e klubit e ka bërë tashmë, por unë nuk e kam bërë”, ka thënë Klopp./Telegrafi/