Jurgen Klopp tashmë është duke u përgatitur për një rregullim të madh të skuadrës së Liverpoolit për sezonin e ri, ndërsa gjashtë lojtarë pritet të largohen.
Mbrojtja e titullit të Ligës Premier nga Liverpooli nuk po shkon ashtu siç kishte shpresuar Klopp ndërsa Reds janë 10 pikë prapa liderëve të Manchester Cityt.
Por, Klopp gjithashtu është dashur të merret me dëmtimet e shumta të lojtarëve kryesorë të ekipit të parë në Liverpool.
Megjithatë, kjo nuk e justifikon fare sezonin e dobët deri më tani dhe vera e vitit 2021 pritet të sjell shumë afrime dhe largimi nga Anfield.
Sipas mediumit britanik The Sun, koha e Xherdan Shaqirit në Anfield mund të mbarojë pasi ish-lojtari i Bayern Munichut dhe Interit mund të largohet.
Mediumit Athletic raporton se Alex Oxlade-Chamberlain, i cili ka bërë vetëm dy paraqitje si titullar në Ligën Premier këtë sezon, mund të shitet në verë.
Georginio Wijnaldum ishte i lidhur shumë me Barcelonën verën e kaluar, por ekipi katalunas nuk arriti të zbarkonte holandezin dhe mesfushori mund të transferohet falas dhe të ribashkohet me Ronald Koeman në verë pasi mbetet pa kontratë.
Portieri spanjoll Adrian mund të largohet gjithashtu nga Liverpooli së bashku me Wijnaldum, Oxlade-Chamberlain dhe Shaqiri, sipas raporteve.
Divock Origi është një tjetër lojtar i ekipit të parë i cili është në listën e largimeve këtë verë. Sulmuesi belg 25-vjeçar ka shënuar vetëm një herë në 15 paraqitje në të gjitha garat dhe ka mbetur edhe pas Diogo Jota në hierarki.
Athletic gjithashtu raporton se Naby Keita mund të largohet nga Anfield këtë verë pasi ai ka luftuar për një vend titullari që nga ardhja e tij në Liverpool në 2018.
Mesfushori 25-vjeçar është dëmtuar shpesh dhe ka parë mundësi të kufizuara edhe më shumë me ardhjen e Thiago Alcantara nga Bayern Munchen. /Telegrafi/
