Ka luajtur 70 ndeshje në 11 muaj, Pedri tregon nëse është i lodhur

Mesfushori i Barcelonës dhe Spanjës, Pedri është përgjigjur duke thënë se nuk është i lodhur edhe pse ka luajtur 70 ndeshje të jashtëzakonshme në 11 muaj.

Shumë tifozë u shprehën të shqetësuar për 18-vjeçarin pasi fotografitë treguan se ai dukej i lodhur mendërisht dhe fizikisht pas një periudhe të gjatë futbolli pa ndërprerje.

Në të gjitha garat gjatë sezonit 2020/21, Pedri luajti 52 herë për Barcelonën, 40 prej të cilave ishin si titullar.

Ai pastaj shkoi direkt në Euro 2020, ku luajti në të gjashtë ndeshjet e Spanjës dhe humbi vetëm një minutë veprim kundër Zvicrës kur u zëvendësua para penalltive.

Lexo po ashtu Zyrtare: UEFA publikon formacionin me lojtarët që shkëlqyen në Euro 2020

Por, pasi Spanja humbi nga Italia në gjysmëfinale, Pedri ka vazhduar të luajë për ‘La Roja’ këtë verë në Lojërat Olimpike të Tokios së bashku me të tjerët si Dani Olmo, Eric Garcia, Pau Torres, Unai Simon dhe Mikel Oyarzabal.

Ish-talenti i Las Palmas meriton më shumë se kushdo një kohë relaksimi, por vetë lojtari nuk po ndihet i lodhur për momentin.

“Nuk jam i lodhur. Unë gjithmonë përpiqem të pushoj, nuk është e vështirë për mua të fle pak dhe kjo më ndihmon shumë”, ka thënë Pedri për Catalunya Radio.

Pedri kishte vetëm nëntë ditë midis gjysmëfinales së Spanjës në Euro 2020 me Italinë dhe ndeshjes së parë me ekipin në Lojërat Olimpike të Tokios.

Ai luajti 90 minuta në dy ndeshjet e para të grupeve të Spanjës, para se të qëndronte 73 minuta në barazimin 1-1 me Argjentinën të mërkurën – takim i cili ishte i 68-ti i sezonit për të.

Spanja luan me Bregun e Fildishtë në çerekfinale dhe mund të jetë akoma në Tokio deri më 7 gusht nëse shkojnë deri në finale.

Lexo po ashtu Nga Pedri te Chiesa dhe Schick, kush janë 15 lojtarët që iu rrit vlera më shumë gjatë Euro 2020?

Sezoni i Barcelonës në La Liga fillon vetëm një javë më vonë dhe megjithëse ai ka një pushim, lojtari më i mirë i ri i Euro 2020 është i lumtur të ecë me rrjedhën.

“Po përpiqem të kënaqem dhe këmbët e mia janë mjaft mirë. Pushime? Do të bëj atë që më thotë Barça”, përfundoi talenti spanjoll. /Telegrafi/