Ka raporte gjithnjë e më negative rreth idesë për të parë Angel Di Marian me fanellën e Juventusit, pasi klubi ka vendosur një afat prej 24 orësh për përgjigjen e tij mes interesimit të Barcelonës.
Argjentinasi është lojtar i lirë, pasi kontrata e tij me Paris Saint-Germain skadon më 30 qershor.
Tani 34 vjeç, ai mund të luajë në krahun e djathtë ose të majtë të një treshe sulmuese, ose në një rol mbështetës si ‘trequartista’ për qendërsulmuesin.
Ishte konsideruar praktikisht një marrëveshje e përfunduar për Di Marian me Juventusin, por situata tashmë ka ndryshuar.
Sipas reporterit të Goal.com dhe Gazzetta dello Sport, Romeo Agresti dhe disa mediave tjera, situata po përkeqësohet me shpejtësi.
Juventusi duket i irrituar që po detyrohet të presë përgjigjen e tij, ndërsa ai kërkonte propozime të tjera, veçanërisht nga Barcelona.
Di Maria più lontano dalla Juve: i bianconeri non intendono allungare i tempi ⚠️⚪️⚫️🇦🇷 [✍️ @romeoagresti] https://t.co/kImorQTRSr
— GOAL Italia (@GoalItalia) June 7, 2022
Ata nuk janë të përgatitur ta vazhdojnë këtë më gjatë dhe i kanë dërguar një paralajmërim Di Marias se ai duhet t’u japë një përgjigje brenda 24 orëve ose ata do të kalojnë në objektiva të ndryshëm.
Di Maria shënoi pesë gola dhe siguroi nëntë asistime në 31 paraqitje në të gjitha garat për PSG-në këtë sezon. /Telegrafi/