Në një intervistë speciale, kryeministri Avdullah Hoti flet për zhvillimet e fundit në vend në emisionin ‘Përballje’ në Telegrafi.com me kryeredaktorin Muhamet Hajrullahu.
Si e vlerëson ai rëndësinë e Ligjit për Rimëkëmbje Ekonomike dhe si do të shpërndahen mjetet e parapara për kategori të ndryshme? A jemi vonë me këtë ligj?
A e ka shpëtuar PDK qeverinë Hoti me votat për këtë ligj? A është kjo një afërsi e mundshme e PDK-së me Qeverinë e tij?
Si u përgjigjet Hoti kritikave të PDK-së e LVV-së për qeverisje të ‘lodhtë’ dhe ilegjitime?
Pse ai e quan veprim racional të LDK-së prishjen e koalicionit me Albin Kurtin e LVV?
Pse ai vlerëson se pasi mori qeverinë e ka rikthyer Kosovën në binarë të rregullt?
A ka mospajtime me ministrat e AAK-së në qeveri dhe me liderin e tyre, Ramush Haradinaj?
A ka Hoti komunikime me u.d së presidentes Vjosa Osmani? A do të kemi president apo zgjedhje të reja?
Të gjitha këto dhe tema të tjera, sonte në ora 19:00 në “Përballje” në Telegrafi.com dhe Facebook. /Telegrafi/