Mauro Icardi po përjeton një sezon fenomenal në aspektin individual me Interin.
Sulmuesi i Interit ka arritur të shënoj 14 gola dhe të bëj pesë asistime deri më tani këtë sezon, duke prinë në renditjen e golashënuesve në Serie A, por edhe listën e futbollistëve evropian që kanë më shumë gola dhe asistime së bashku.
Kështu, Icardi ka kontribuar në plot 19 gola të skuadrës së tij, duke lënë pas vete shumë yje të mëdha të futbollit në ‘Top 5’ ligat më të mëdha evropiane, shkruan Telegrafi.
Pas argjentinasit renditen Diego Costa, Alexis Sanchez dhe Edinson Cavani që kanë kontribuar në 18 gola për skuadrën e tij, ndërsa listën e përmbyll sulmuesi i Borussia Dortmund, Pierre Emerick-Aubameyang me 17 gola të kontribuar.
E veçanta e kësaj liste është se mungojnë dy yjet e mëdha botërore, Lionel Messi dhe Cristiano Ronaldo, të cilët jemi mësuar t’i shohim gjithmonë në krye të listave kur është puna te golat dhe asistimet. /Telegrafi/
