Sulmuesi argjentinas, Mauro Icardi është lojtari më vendimtar në Serie A këtë sezon, duke ia fituar plot 19 pikë skuadrës së tij, Interit.
Nerazzurrët janë ende të pamposhtur këtë fillim sezoni, me 12 fitore dhe tri barazime në 15 ndeshjet e para të Serie A.
Klubi nga Giussepe Meazza përballet me Juventusin sonte (e shtunë) duke synuar të qëndrojnë në krye të tabelës edhe pas kësaj ndeshje me një rezultat pozitiv.
Por, suksesi i madh i këtij fillim sezoni të Interit sigurisht që i faturohet edhe sulmuesit ‘vrasës’ të tyre, Icardi, i cili është lojtari më vendimtar në Serie A.
Icardi ka shënuar plot 16 gola në 15 ndeshje deri më tani këtë sezon, por gola e tij nuk janë vetëm të shumta, ato janë shumë të rëndësishme.
Kapiteni i Nerazzurrëve i ka fituar klubin të tij plot 19 nga 39 pikët e tyre deri tani, ose duke hapur rezultatin nga 0-0 ose duke shënuar për një barazim ose fitore.
Pas një dy-golëshi kundër Fiorentinës në javën e parë, Icardi barazoi në Romë para se të shënonte sërish për të rezultatin 2-1 për Interit në një ndeshje që përfundimisht përfundoi me një fitore 3-1.
Sulmuesi e theu bllokimin kundër Spalit, para se të shënonte për një barazim në udhëtim te Bologna dhe të rrëmbejë një het-trik në fitoren 3-2 ndaj Milanit në Derby della Madonnina.
Fundjavën e kaluar, Icardi shënoi dy gola në një fitore 2-0 ndaj Atalantas, duke e bërë atë lojtarin më vendimtar në Serie A këtë sezon.
Në të vërtetë ndeshja e vetme në të cilën 24-vjeçari ka shënuar, por nuk ka hapur rezultatin, të barazoj apo të fitojë ishte fitorja 3-2 ndaj Sampdoria.
Në atë ndeshje Milan Skriniar e kaloi Interin 1-0 në epërsi përpara se Icardi të bënte 2-0 dhe pastaj 3-0, në fitoren përfundimtare 3-2.
Kundër Cagliarit, Icardi hapi rezultatin, si dhe shënoi golin e tretë në një fitore 3-1. /Telegrafi/