Telegrafi

Hazard: Mane, Salah ose Van Dijk e meriton Topin e Artë

Eden Hazard ka thënë se një lojtar i Liverpoolit e meriton ta fitojë Topin e Artë.

Ylli belg është pyetur se kush e meriton ta fitojë çmimin më të madh individual për një lojtar.

Anëtari i Real Madridit ka bërë të ditur se po të vendoste ai, Sadio Mane, Mohamed Salah apo Virgil van Dijk, duhet ta fitojë Topin e Artë.

Eden Hazard (Foto: Angel Martinez/Getty Images/Guliver)

“Do t’ia jepja një lojtari të Liverpoolit”, ka thënë Hazard për Le Parisien. “Mane, Salah ose Van Dijk e meritojnë atë”.

“Nëse Sadio do ta kishte fituar Kupën e Kombeve të Afrikës me Senegalin, sot nuk do të kishte debat. Do të ishte bukur nëse ai e fiton atë. Ose Momo, që është shoku im”.

Lexo po ashtu Hazard: Mund ta sjell Mbappen në Real Madrid, do të tentoj

“Do të ishte mirë për futbollin afrikan dhe atë anglez”, ka shtuar më tej belgu.

Në listën e gushtë për Topin e Artë janë mbrojtësi holandez, Lionel Messi dhe Cristiano Ronaldo. /Telegrafi/