Jack Grealish është njëri nga lojtarët më të kërkuar në Angli.
Mesfushori ofensivë është duke shfaqur një formë të jashtëzakonshme këtë edicion me Aston Villën, gjë që ka zgjuar interesimin e shumë skuadrave të mëdha.
25-vjeçari edhe vitin e kaluar ishte në top formë, por Aston Villa refuzoi disa oferta duke mos e lejuar largimin e tij.
Por duket se Villa nuk do ta ketë të lehtë ta mbajë lojtarin në skuadër, pasi numri i skuadrave që e duan atë është rritur kohëve të fundit.
Manchester United, Manchester City, Liverpool, Arsenal dhe së fundmi Juventus janë ekipet që duan reprezentuesin anglez.
Grealish ka shënuar pesë gola dhe ka bërë shtatë asistime në 12 ndeshje, duke rritur kështu dukshëm edhe vlerën e tij.
Lojtari është i gatshëm për ta bërë hapin e madh në karrierë, por problem mbetet çmimi i lartë i tij.
Aston Villa thuhet se ka pranuar të shes lojtarin vetëm nëse vije ndonjë ofertë mbi 75 milionë euro. /Telegrafi/