Tri klube të Ligës Premier janë duke u përgatitur të bëjnë ofertë për talentin tashmë të njohur të Palmeiras, Endrick.
Lojtari 16-vjeçar iu bashkua akademisë së klubit brazilian në moshën 11-vjeçare dhe që atëherë ka shënuar 165 gola.
Sulmuesi nuk ka bërë ende debutimin e tij në ekipin e parë, por një numër gjigantësh evropianë tashmë e konsiderojnë atë një perspektivë kryesore.
Dhe sipas gazetarit brazilian Jorge Nicola, Manchester United, Newcastle dhe Tottenham i janë bashkuar garës për nënshkrimin e tij.
Të tre klubet po bëjnë një ofertë për Endrick, i cili tashmë ka shënuar pesë gola në katër paraqitje për skuadrën U17 të Brazilit.
Por, ata përballen me konkurrencë nga Real Madridi dhe Paris Saint-Germain për nënshkrimin e tij.
Nicola pretendon se Los Blancos “nuk kanë ndalur kurrë së monitoruari” yllin e ri ndërsa PSG “duket si favoritët” për të nënshkruar me të në këtë fazë.
Endrick ka një klauzolë lirimi prej 40 milionë euro, kështu që çdo klub do të duhet ta ofrojë atë shumë përpara se të paraqesë një ofertë të madhe kontrate në një përpjekje për ta joshur atë larg Parisit ose Madridit.
Tottenham është në kërkim të një zëvendësuesi të mundshëm afatgjatë për Harry Kane, i cili mund të jetë rrugës për në Bayern Munich verën e ardhshme.
Kapiteni i Anglisë thuhet se është ‘tunduar’ nga perspektiva e një lëvizjeje me gjigantët gjermanë të përgatitur për të bërë një ofertë të madhe.
Ndërkohë, Man Utd po kërkon një zëvendësues për Cristiano Ronaldon, i cili ka kërkuar një largim nga Old Trafford që nga korriku.
Djajtë e Kuq nuk arritën të nënshkruajnë me Christopher Nkunku, Darëin Nunez dhe Erling Haaland gjatë verës, kështu që Erik ten Hag është i përgatitur për të shfrytëzuar mundësinë për të nënshkruar me një tjetër sulmues.
Trajneri i Newcastle, Eddie Howe e forcoi sulmin e tij gjatë verës duke nënshkruar me Alexander Isak në një transferim rekord prej 72 milionë euro nga Real Sociedad. /Telegrafi/
