Agjenti i Marcelo Brozovic ka konfirmuar interesimin nga dyshja angleze, Chelsea dhe Arsenal, ku edhe Interi janë të shtyrë për të shitur atë në një nga këto dy klube.
Mesfushori me dhunti të shumta nga Kroacia duhet të shitet për të mbledhur fonde nga Interi, pasi sot Gabigol dhe Joao Mario mbërritën për një kosto të kombinuar prej 70 milionë euro.
“Është e vërtetë, ka shumë opsione dhe ne po flasim me disa prej klubeve më të mëdha evropiane”, ka thënë agjenti Miroslav Bicanic për Index në Kroaci, transmeton Telegrafi.
“Kam dëgjuar se përfaqësuesit e Chelseat janë në Milano dhe se Arsenali janë gjithashtu të gatshëm për të nënshkruar me atë. Inter janë shtyrë për të shitur në një nga këto dy klube të cilët janë të përgatitura për të paguar një shumë që kënaq të gjithë të interesuarit”.
“Megjithatë, unë jam aktualisht në Zagreb dhe ka shumë kohë para ditës së përfundimit të afatit të transferimeve. Çështja nuk është aq urgjente dhe derisa Marcelo nuk nënshkruan një kontratë me një klub tjetër, ai mbetet një lojtar i Interit”, përfundoi agjenti i Brozovicit.
Për mesfushorin kroat janë të interesuara edhe Juventusi dhe Roma, teksa Nerazzurrët janë duke kërkuar rreth 30 milionë euro për shërbimet e tij. /Telegrafi/