Gjashtë klube janë duke ndjekur me kujdes situatën e Mato Kovacic te Real Madridi.
Kroati me shumë mundësi do të largohet nga Los Blancos brenda muajit.
Është raportuar se 24-vjeçari ka refuzuar të paraqitet në stërvitjen e ditës së hënë pasi dëshiron një aventurë të re.
Për Kovacicin tashmë kanë shfaqur interesim Manchester City dhe Unitedi, por edhe Paris Saint Germaini, Interi, Milani dhe Napoli.
Kontrata e tij me Realin përfundon në vitin 2021, ndërsa klubi spanjoll për kartonin e tij kërkon 90 milionë euro.
Kovacic në sezonin e fundit u paraqit në 36 ndeshje (shumica si zëvëndësues), por nuk shënoi asnjë gol.
Ai është prodhim i Dinamos së Zagrebit, ndërsa te Interi ku luajti për tre sezoni u transferua në vitin 2012. /Telegrafi/
https://www.youtube.com/watch?v=vn0Vg3qtVcU