Steven Gerrard u ka sugjeruar krerëve të Liverpoolit që ta transferojnë Virgil van Dijkun, pasi mendon se mbrojtësi i Southamptonit mund të ketë ndikim të madh në skuadër.
25-vjeçari u transferua te Southamptoni në vitin 2015 nga Celticu, ndërsa paraqitjet e tija mbresëlënëse kanë nxitur interesimin e klubeve, si Liverpooli, Chelsea dhe Manchester City.
“Do të më pëlqente ta shihja Van Dijkun me fanellën e kuqe. Jam fans i madh i tij”.
“Mendoj se ai ishte fantastik te Celticu dhe mendoj se është dashur ta kërkonim që atëherë”.
“Tash do të na kushtojë më shumë, por mendoj se do të ishte shumë i mirëpritur te skuadra”, ka deklaruar Gerrard për Daily Mail.
Southamptoni kërkon rreth 60 milionë funte për Van Dijk. /Telegrafi/