Steven Gerrard ka zbuluar se si ishte shumë afër që të transferohej te Real Madridi në vitin 2010.
Ish-lojtari i Liverpoolit ka treguar se ai ishte i lidhur me një kalimet shumë klube evropiane, por që Los Blancos ishin më afër.
Chelsea ishte në rastin tjetër që i dëshironte shërbimet e tij, e që në të dyja skuadrat, Jose Mourinho kishte qenë trajner.
“Real Madridi dëshironte që unë të shkaktoja ‘luftë’ te Liverpooli që të largohesha”, ka thënë Gerrard.
“Do të ishte mënyra e vetme se si do të largohesha nga aty. Nuk dua të mendoj për ato gjëra. Për kohën kur Jose Mourinho erdhi të më kërkonte sërish në vitin 2010”.
“E mendoj se si do të luaja me Mourinhon në Ligën e Kampionëve, do të ishte një eksperiencë e paharrueshme”, ka shtuar më tej legjenda angleze.
Gerrard ka thënë më tej se ai nuk është penduar asnjëherë që ka qëndruar deri në fund të karrierës së tij te Liverpooli, aty ku fitoi Ligën e Kampionëve dhe dy FA Cup. /Telegrafi/