Mediat angleze kanë filluar të raportojnë në lidhje me formacionin e mundshëm të Manchester Unitedit në sezonin 2019/20.
Djajtë e Kuq kanë dështuar të kualifikohet në Ligën e Kampionëve këtë sezon pasi kanë përfunduar në vendin e gjashtë në Ligën Premier.
Megjithatë, drejtuesit e klubit nuk duan më dështime dhe synojnë t’ia ofrojnë disa transferime të mëdha trajnerit Ole Gunnar, për t’i arritur objektivat.
Sipas mediumit The Sun, formacioni i Solskjaerit te Unitedi i sezonit të ardhshëm do të ketë plot gjashtë ndryshime.
Emrat më të përfolur për t’u transferuar janë Antoine Griezmann, Kalidou Koulibaly, Harry Maguire, Aaron Wan-Bissaka dhe Andre Onana, ndërsa tashmë është nënshkruar me Daniel James.
Në anën tjetër, lojtarët e mëdhenj që pritet të largohen këtë verë janë Paul Pogba dhe David Dea, pasi do të sillnin para të majme për të financuar transferimet e reja.
Formacioni që Solskjaer pritet ta përdor në Unitedin e sezonit të ardhshëm është 4-2-3-1. /Telegrafi/
